Datorren asteburuan Lizarrara joateko txangoa antolatu du Aizkardi mendi taldeak. Larunbatean, hilak 10, Lokizera joango dira, eta Oilogoienen bukatuko dute ibilbidea, bertan emango dutelarik gaua. Igandean Jurramendi eta Monjardinera joango dira, eta Oilogoienen bukatuko dute eguneko txangoa.
Izena eman nahi dutenek 649717182 telefono zenbakira deitu behar dute 20:00etatik 22:00etara, edota ostegunean Aizkardiren egoitzatik pasa ordu berean. Osteguna da izena emateko azken eguna.
Bi eguneko ibilbidea egin nahi ez duenak badu beste aukerarik; larunbatean Oilogoienera kotxez joan daiteke, eta igandeko txangoa egin.
Besteak larunbatean irtengo dira 08:00etan Olaederra kiroldegitik.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
