Apirilaren 27an, Bizkaia aldetik irteera egingo dugu. 07:00etan Olaederrako kiroldegian hartuko dugu autobusa, eta Gernikatik hasiko da ibilbidea. Lumo pasa ondoren, Malagan egingo dugu lehen geldialdia. Iparralderantz jarraituko dugu, Sollube gaina pasa arte. Handik, eta hainbat gain zeharkatu ondoren, Burgoara joango gara. Handik, eta ibilaldia amaitzeko, San Pelayora jaitsiko gara. Bertatik Gaztelugatxera joateko aukera izango da nahi duenarentzat. Guztira, 26 kilometroko ibilbidea izango da, zazpi ordu ingurukoa.
Interesatuek, 649 717 182 telefonoan eman dezakete izena 20:00etatik 22:00era bitartean, edota ostegunetan elkartean bertan, aipatutako ordutegi berean. Ostegunean izango da izena emateko azken eguna.