0 Etapa - 1098

Erabiltzailearen aurpegia

"Ama, zenbat kilometro daude Albizturtik Algecirasera?"

1098km; ez  gehiago ezta gutxiago ere. Horiexek dira Albiztur Algecirastik urruntzen dituztenak eta gaur bata bestearen atzetik egin ditugunak. Marka da gero gaurkoari "0 Etapa" deitzea, gaurkoan baino kilometro gehiago nekez egingo ditugu eta.

Goizeko 7:00etan Albizturtik abiatu eta 21:04etan (espero baino 4 minutu beranduago!) iritsi gara Algecirasera. Antolakuntzaren ikuskapena pasa eta afaldu eta ohera, bihar goizeko 5etan portuan egon behar dugu eta!

Lehen sustoa ere izan dugu, bidean kotxea zarata arraroak egiten hasi baita. Baina etorri bezela joan zaizkio zaratak.

Ea itzultzeko presarik agertzen ez duten!

Gainerako parte hartzaileekin ere lehen harremanak egin ditugu. Bistazo azkar batean, ondo prsetatutako kotxeetan badatoz ere, ez dugu uste inork guk adina material ekarri duenik!

Nabari dadila euskaldunon eskuzabaltasuna noraino iristen den.

Bagoaz ba ohera. Hurrena lur afrikarretatik idatziko dugu!

Laister arte!!


Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!