Arratia lehengo urtean 2. mailan aritutako taldea da, eta ondorioz, bagenekien aurrean genuen partidan ez zela batere erraza izango 3 puntuak Tolosara ekartzeko. Baina beldurrak alde batera utzita atera ginen zelaira. Lehenengo zatian beraiek izan zuten baloiaren jabetza eta 2-0 emaitzarekin joan ginen aldagelara. Bigarren zatian ordea gu izan ginen baloiaren jabeak eta horri esker etorri ziren Ainhoa Bengoetxearen bi golak. Aukera garbi asko izan genituen baina norgehiagoka 2-2ko emaitzarekin amaitu zen, baina gehiago merezi genuen sentsazioarekin bueltatu ginen etxera.
Atseden hartzeko denbora gabe iritsi zen aste honetako bigarren norgehiagoka, Bizkerreren aurkakoa. Partida hasi aurretik, lesiotik azkar errekuperatzeko animoak emateko, gure taldeko Oihanari ezusteko bat prestatu genion. Norgehiagoka 0-0eko emaitzarekin bukatu zen. Oso borrokatua izan zen baina ez beraiek ezta guk ere ez genuen baloia atean sartzea lortu. Partidan zehar aukera garbiak izan genituen baina baloiak ez zuen ateko marra pasa nahi izan. Hala ere partidarik galdu gabe jarraitzen dugu 7 norgehiagokaren ondoren, eta nola ez, horrela jarraitu nahi dugu!
Bukatzeko, eskerrak eman nahi dizkiet bai Igorrera eta bai Usabalera animatzera etorri ziren guraso, lagun… guztiei. Ea hurrengo partidan, Elorrion 18:00tan, harmailak betetzen ditugun! Eta hemendik ere animoak Oihanari, laster zaitugu gurekin!
Ostegun berezia izan da aste honetakoa, jai eguna. Normalean, jai egunak lo gehiago egiteko aprobetxatzen ditugu, baina ez, gu 07:45erako Usabalen geunden, autobusean, hainbeste gustatzen zaigun Bizkaira joateko, Igorrera hain zuzen ere. Oraingo honetan Arratiaren aurka genuen norgehiagoka.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!