Kale Kantoitik

Zazpi senideko

Erabiltzailearen aurpegia

GU bat osatzen dugu batzuetan, zu eta ni besteetan, GU hori moldatzera iritsi gabe. Eta pentsatzen jarri naiz batzuetan ez ditugula behar bezainbat zaintzen, ez diegula gure maitasuna adierazten, berez hala baletor bezala, fabrikatik.

«Anaitasunarena, txikitatik eraikitako laberintoa da, ihesbiderik gabekoa, lotura definitibo bat». Hala kontatzen dute Ander Lipusen zuzendaritzapean, Manex eta Ximun Fuchs aktore eta anaiek, antzerkira ekarritako zazpi istorio hunkigarriekin. Gure ahizpak, anaiak edo arrebak odolekoak izan daitezke edo biziak eskainitakoak. Txikiak, segidakoak edo zaharragoak. GU bat osatzen dugu batzuetan, zu eta ni besteetan, GU hori moldatzera iritsi gabe. Eta pentsatzen jarri naiz batzuetan ez ditugula behar bezainbat zaintzen, ez diegula gure maitasuna adierazten, berez hala baletor bezala, fabrikatik. Baina kontuz, bapatean hutsune bilaka daiteke zure senide hori, presondegiak, gaixotasunak edo auto istripuek eragindakoa esate baterako. Eta oharkabean, hor zulatzen zaizu galdera : izan al gaitezke GU zu gabe ?


Zazpi senideko familia batean…itsasoan urak handi dire murgildu nahi dutenentzat, gure herriko lanak handi dire, astun dire, gogor dire… zatiturik gaudenontzat, lara la rala ralala…