Tradizio hau mantentzen duten herrialdeak nahiko pobreak dira (Etiopia, Gambia, Mali, Nigeria, etab.) eta ablazioa gauzatzeko orduan ere ez dituzte gutxieneko osasun neurriak hartzen. Kasu askotan, kristal zatiekin edo laban huts batekin egin ohi zaie, inongo anestesia eta bestelako neurririk hartu gabe. Momentuko min fisiko eta arriskuaz gain, etorkizunean dituen ondorio fisiko zein psikologikoak izugarriak omen dira. Eurek, ordea, kulturatzat hartzen dute eta mozketa momentua festa moduan hartzen dute. Hala ere, zenbait herrialdetan gero eta gazteago direnean egiten omen zaie mozketa, ablazioa egin aurretik behar baino informazio gehiago izan ez dezaten.
Kulturagatik edota ohituragatik egunero bizitza aldatuko dieten errito hori pairatzen duten 6000 neskato txiki horiek gogoan izan behar ditugunaren ustean nago. Baina ze gauza… Ebolarekin, guri eragin diezagulakoan, munduko erakundeek berehala hartu dute esku herrialde zurietan eguneroko errito krudel honek, ordea, ez digu eragiten…