Duela ia bi hamarkada bere iritsieraren atarian denok ginen urduri: berritasunak, ezezaguna denak, eragiten duen kezkaz begiratzen genion erditzear ginen hari. Ongietorria emateko prestatu ginen, geldiezin, denborak aurrera egin ahala ezinbestean gure artera zetorren-eta. Lehen aldia genuen, berriak ginen gu ere horretan, eta elkar egokitzen ikastea egokitzen zitzaigun.
Iritsi zen eguna. Ospatu genuen haren etorrera. Buruhausteak ere uste baino gutxiago, informatikariren bati digitu aldaketak lo orduak kendu bazizkion ere.
Eta hazi zaigu; begiak kliskatzerako 18 urte. Milurteko aldaketa hura atzoko kontua bezala oroitzen dugu batzuek; aspaldiko zerbait bezala besteek. 18 urteok modu ezberdinean bizi izan ditugulako denok ere. Heldu zaigu adin heldura, baina ez diezaiogun zama handiegirik eman; 2018ak ekarriko ditu ezustekoak, baina gure onena ere erakuts diezaiogun bere onena eman dezan.
Urte berri on!
Heldu zaigu
2018ko urt. 20a, 10:56
Adinez nagusia egin zaigu. Lehenago hartzeko ardurak ere badauden arren, 18 urteak badira mugarri, erantzukizun mailan edo zenbaitentzat autoko karneta ateratzeko bada ere behinik behin.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!