Hauts birtuala balego, ez litzateke karpetaren kartoi xaharra erraz ikusiko. Gaurkoan, ordea, ezin du horretan denbora galdu: gaur bai, gaur xuxen-xuxen egin beharrekoa egingo du.
Botoi urdinari klik eman eta di-da batean espazio amaigabera joan da: galaxiaren handitasunean galdu eta noraezean dabil, edozein izarrekin edota zulo beltzean erortzeko arriskuan. Postak erakarri du lehendabizi. Sare sozialetako alertak zabaldu gabe ezabatu eta deskontuak iragartzen dituzten mezuak iragazi: hau bai, hau ez, hara! Ederra mugikorra... belztuta dauden mezuak amaitu arte. Albisteak orain. Lipdub-a. Bengoetxeak txapela. Kataluniako... Pii-Pii! Izar iheskorra, whatsappa. Herriarteko bertsoaldiak Bertsoaren galaxian. Ikusi eta bai, gero bai,... gero egingo du. Telefonoa. Stop. Anaiarekin asteburuaz berriketaldia. Berriro play, amaitu arte. Espazioko aurreikuspenen arabera, ez du eguzkiak erreko, urrun dabil: bihar eguraldi kaxkarra omen. Ikus dezagun etzikoa...
Ura gainezka; sua baxuago jarri. Gatozen lurrera; nahikoa izan da gaurkoz. Ohera bidean gogoratu da gaur ere ez duela egin. Galaxia amaigabera egin du joan-etorria, jatorrizko lurra ahaztuta. Ekaina, oporrak gainean. Eta eskerrak.
Piztu du ordenagailua. Astelehen goiza da aldiro aparatuarentzat. Itzartzen utzi artean, afaria prestatzen hasi da telebista jarrita duela. Bere pentsamenduen gurpiltxoa geratu da pantailan. Idazmahaia beteta. Pasa den udako Korsikako argazkiak antolatzeke, hantxe.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!