...baina bai, atseden hartuko du. Etxean egotea ere ez da gaizki etorriko. Gustura hartuko du aspaldiko partez sofan etzanda egotea, ezer ez egitea. Ez dio kalterik egingo...
...edo, tira, agian egunen batean planen bat egitea ere ez da hautu txarra. Durangora joango da. Bai. Bere buruari oparitxoren bat egin eta kontzerturen baten aitzakian lagunartean egoteko aukera polita. Ez larunbatean, ordea, Txuletaren Festaren kariaz Tolosara joatekotan geratu baita lagunekin. Igandean ere Gipuzkoako Bertsolari Txapelketako azken finalaurrekoa Eibarren, eta astelehenean, zergatik ez, hango lehengusuak bisitatuz, bidenabar Orioko San Nikolasetara. Bai, asteartean doa Durangora. Erromara ez, baina, kanpora joan ez arren, zertxobait han eta hemen ibiliko da Irantzu.
Eta atsedena... atseden hartuko du ahal duenean, hor nonbait.
Maria Erromara doa. Gaurkoak bukatu bezain laster, aireporturako bidea hartuko du lanera ekarri duen maleta hartuta. Asteko nekea nabari zaion arren, zubirako planak direla-eta gogotsu eta umorez dago. «Eta ze asmo duzu zuk?», galdetu dio Irantzuri. «Etxean, bertatik bertara, badakizu, atseden hartzeko beharra daukat», hark, Erromako bidaia gustura hartuko lukeen arren. Oraingo honetan egun gehitxo ditu aukeran atsedenerako...
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!