9:00etatik 13:00etara bitartean iraungo du babarrun lehiaketak. Aurten 21 bikotek eman dute bertan izena. Oraindik beste bikote batentzako tokia dago eta izena eman nahi duenak Zubiaurre tabernan dagoen zerrendan izango du aukera.
11:00etan San Bartolome plazako aterpean buruzapia nola jantzi ikastaroa burutuko da Alurr dantza taldearen eskutik
12:00etan plazan bertan eta Ibarrako Merkatari Elkarteak antolatuta, sagardoa nork ondoen ateratzearen IV. txapelketa izango da.
13:00etan euskararen eguna eta babarrun lehiaketa uztartuz, AUZOKO programan parte hartzen duten hainbat herrialdetako jendearen artean babarrun dastaketa egingo da.
14:30ean bazkaria, babarrun jatea
16:30ean sari banaketa izango da: babarrun lehiaketako sariak eta ondoren Emeterio Arrese literatur sariak, hau, Ibarrako Udalak antolatuta eta euskararen egunari lotuta.
Babarrun lehiaketan, aurten hirugarren postuak ere, saria izango du: lehenengo saria 120 eurokoa izango da, bigarrena 60 eurokoa eta hirugarrena 30 eurokoa. Hiru sariak Ibarrako Merkatari Elkarteko parte diren komertzio, taberna edota jatetxeetan erabiltzeko izango dira.
18:30ean Ibarrako Koroak (IK) antolatuta, kantu bira egingo da herrian zehar
20:30ean Ibarrako Gazte Asanbladak antolatuta, afari-merienda egiteko aukera egongo da herriko gaztetxean, eta ondoren, hau ere Gazte Asanbladak antolatuta, dantza-festa, gaztetxean.
Esanda bezala, egitarau oparoa aurtengo babarrun lehiaketa egunean.
On egin!!