Urte guztian zehar kultur arloan egiten duen lana omentzeko, Sendi Ekintza elkarteak aurtengo txotx irekiera Hauspoak egitea adostu du.
Hauspoa Kultur Elkartea herriko hainbat talde eta norbanakoek osatzen dute eta urtean zehar kultur ekitaldi ugari antolatzea tokatzen zaio, hala nola, Santa Ageda bezpera, kaldereroak, azoka, olentzeroren jaitsiera eta abar.
Txotx irekiera Sendi Ekintza egunean egiten da, eta pilota partiduak, pintxo dastaketa eta trikitixa izango dira.
Irekiera ekitaldira gonbidatuak izatea ohorea da Hauspoarentzat eta ilusio handiarekin elkarteko partaide garen gehientsuenok bertan izango gara.
Hauspoako partaideak: Merkatari Elkartea, Txiribitu aisialdi taldea, Sendi Ekintza elkartea, Xepla elkartea, Deportiva elkartea, Alurr dantza taldea, Euskara taldea, Kros taldea, Uzturpe ikastola, Ibarrako Udala, Norbanakoak
Eskerrik asko, Sendi Ekintza