Hauspoa Kultur Elkarteak antolatuta, datorren ostiralean, hilak 29, arratsaldeko 18:00etan elkartuko dira kaldereroak Ibarran. Hitzordua plazan bertan izango da, bertako estalpean, entsegua egiteko eta handik kalejiran irtengo dira herri guztian zehar Pasai Txarangak lagundurik.
Kalejira guztian zehar txarangaren doinuekin Alurreko ikasleak dantza eta Loatzo Musika Eskolako ikasleak abestu egingo dute.
Kalejira berriro plazan amaituko da eta bertan txorizo pintxoak emango zaizkie partehartzaile guztiei.
Parte hartzeko, zartagiarekin eta kaldereroz mozorrotuta agertu besterik ez da egin behar. Urtero bezala, aurten ere, espero dugu arrakastatsua izatea.