Datorren igandean hilak 15, Hauspoa kultur elkarteak antolaturiko VI. Babarrun lehiaketa ospatuko da Ibarran. Goizeko bederatzietan elkartuko dira parte hartzaileak herriko plazan eta sua, babarrunak eta ura antolakuntzatik emango zaizkie. Osagai horiekin, norberak, nahi duen eran prestatu ahal izango ditu babarrunak. Parte hartu nahi duenak ATARI, SENDI EKINTZA, TXUMITXA eta ZUBIAURRE tabernetan eman ahal izango du izena, horretarako jarrita dauden orrietan.
Lehenengo hiru sailkatuentzat egongo da saria.
Egun berean baita ere, sagardoa ondoen ateratze lehiaketa ospatuko da. Kasu honetan III. aldiz egingo da eta hiru gauza baloratuko dira: estiloa, alde batetik, eta botilaren eta edalontziaren erabilera, bestetik.
Lehen bi sailkatuek izango dute saria. Animatu eta parte hartu.
Bi lehiaketen ondoren, herri bazkaria egingo da San Bartolome Plazan nahi duen guztiarentzat eta horretarako salgai jarriko dira txartelak herriko tabernetan. Helduak 15euro eta gaztetxoak (16 urtez beherakoak) 4euroren truke.