Udaberri Dantza Taldeak helduen dantza ikastaroak antolatu ditu berriro ere. Azaroaren 3ra bitarte dago irekita izen-emate epea, eta azaroan hasiko dira ikastaroak. Hasiberrientzat eta dantzen ezagutza urria duten dantzazaleei zuzendutako saioak dira. Fandango eta arin-arinez gain, jauziak, larrain dantza eta beste zenbait dantza herrikoi ikasteko aukera izango da bertan, plaza sentitzeko, dantza bizitzeko helburuarekin.
Ohi bezala, asteartero izango dira ikastaroak Tolosako Usabal Kiroldegian, iluntzeko 20:30etik 21:30era. Eta honakoa da urteko prezioa: 80€ langileentzat, 50€ langabetu eta ikasleentzat.
Ikastaroetan izena emateko ondorengo estekan dagoen galdetegia betetzea eskertuko genuke, eta zalantzarik izanez gero, idatzi ikastaroak@udaberri.eus helbidera.
Segi oinak arin!