Ez dakizu fandangoa eta arin-arina bereizten? Aurreskua eta baleta gauza bera iruditzen zaizkizu? Erromerietan galduta sentitu ez zaitezen, hemen duzu aurten ere plaza dantza ikastaroa, Udaberriren eskutik.
Hemendik aurrera, ez duzu barraren ondoan gelditu beharko dantzan ez dakizulako. Fandangoa eta arin-arina, Lantzeko inauteria, Zazpi jauziak, Larrain dantza… Anima zaitez, eta ikasi gure dantzak, ondo pasatuz, eta ondo pasatzeko!
Urtero bezala, eskolak astearteetan izango dira Usabal Kiroldegian, iluntzeko 20:30etik 21:30era. Prezioa: 80€ langileentzat, 50€ langabetu eta ikasleentzat.
Informazio gehiago: ikastaroak@udaberri.eus
Bete ondorengo inprimakia irailaren 30a baino lehen! matrikulazioak.udaberri.eus/