Udaberri dantza taldeko kideok eskerrak eman nahi dizkizuegu eskualdeko hedabideoi, aurtengo dantzari txiki eta erromeriaren zabalkundea zuen komunikabideen bitartez egiteagatik. Horrelako egun bat prestatzeak lan ordu asko ematen dizkigu, eta eskertzekoa da zuen euskarrian egin diozuen tartea.
Era berean, pasa den martxoaren 28ko egitaraua gauzatzen laguntzeko prest azaldu ziren komertzio, elkarte, guraso nahiz laguntzaile guztiei ere gure eskerrik beroenak eman nahi dizkiegu. Beraiek gabe egun hori ez litzateke posible izango.
Hurrengo urtekoa aurtengoa bezain ona izatea besterik ez dugu espero. Mila esker eta bizi dantza!
Udaberri dantza taldea.