Ikerfolkeko kide Ane Albisu Tolosako kultur etxera bertaratu zen joan den ostegunean, euskal janzkeraren inguruko gogoeta eta proposamenak plazaratzera.
Jantziaren eta janzkeraren arteko bereizketaz, kalearen eta baserriaren banatzeak izandako garrantziaz eta gaur egun XIX. mendeko janzkera horri eusteko sekretuez aritu zen.
Dogmak ez ditu gustuko eta, beraz, iradokizunak izan ziren nagusi saioa. Hori bai, ezinbesteko elementu batzuk azpimarratu zituen: burukoak (txapela eta zapia) eta lepoko zapia: "Munduko kultura guztietan, buruko elementuak dira bereizgarri".
Datozen egunotarako nahiz beste zenbait ospakizunetarako informazio benetan aberasgarria eskaini zigun. Beste bat arte!