Udaberri gaur ez litzateke ezer aurreko belaunaldiek egindako lanagatik izan ez balitz. Gu sortu ginen enbor beretik sortuko dira besteak zioen poema hark, eta hitz horietxek hartu nahi izan ditugu gure egitasmo berriaren plazaratzeko.
Sortutako katea ez eteteko, taldeak 57 urteotan ateratako argazkiak digitalizatu egin ditugu. Orain Facebook sare sozialaren bitartez argitaratuko ditugu, eta Udaberrikide izandako jendeak irudi izoztu horiek biziberritzea nahiko genuke informazioa emanez, argazkietan nor ateratzen den esanez, emanaldi zehatz hartako anekdotaren bat kontatuz...
ZUek ere Udaberriden kate horretako zati izan baldin bazarete, batu egitasmora, eten ez dadin.