Tolosako hainbat eragileren artean antolatu dugun Auzonalean jaian parte hartuko dugu larunbatean. Festa antolatzen lehen bileretatik elkarlanean aritu gara taldeko kideok, herriko beste eragileekin batera, eta hotzari aurre eginez festarako gogoz gaude.
Goizean gure betiko jardunari era formalean helduko diogu, eta kalejiran parte hartuko dugu dantza eginez. Lapurdiko inauterietako hainbat dantza ikusi ahal izango dira kalean, eta hango musikaz ere gozatu ahal izango da, Udaberriko fanfarrearen eskutik.
Herri bazkariaren ondoren, berriz, eta kasu honetan informalxeago, Zesuma taldearen doinuei dantzan erantzungo diegu, berriz ere, gorputza berotzeko asmoz.
Edonork parte har dezake Auzolanean festan, eta gogoratu oraindik ere bazkari txartelak erosteko denborarik badela. Bi euroren truke, bertako edaria dastatzeko aukera izango da, janaria etxetik emanda; 16 euroko txartelarekin, berriz, janari eta edaria bertan hartu ahal izango da. Animatu!