Bide luzea egin dugu erabakitzeko eskubidearen alde. Badugu hurrengo geltokia: demokrazia. Martxoaren 19an Tolosaldeko herritarrok orain arte behin ere egin gabeko galdera bati erantzungo diogu, Euskal Herriaren etorkizunaren inguruan erabakiko dugu: ‘Nahi al duzu euskal estatu burujabe bateko herritarra izan?’.
Galdeketarako prestaketetan ehun lagunetik gora ari gara lanean ekainetik. Baina azken txanpan, eta bereziki, galdeketa egunean, lan asko dugu eta izango dugu egiteko.
Hori horrela, Tolosan, 200 boluntariotik gora beharko ditugu. Ondorengo formularioa zabaltzen ari gara ekimenarekin bat egin eta laguntzeko prest dagoen orok izena eman dezan martxoaren 19an edo bezperetan Tolosan bere alea jartzeko:
https://docs.google.com/forms/d/1eRirz7x7_UoKSEOZs-HDfPFpZQ1D3rzTpf4rBXoEXyo/edit
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!