Gipuzkoako Foru Aldundiaren laguntzarekin eta Tknikaren parte hartzearekin, Inmakulada Ikastetxeak eta Tolosaldea LHIIk antolatuta, ekintzailetasunaren sentsibilizazio saioa ospatu genuen.
Ikasenpresa proiektuko 80 ikasle elkartu genituen. Lehenengo Urrats Bat proiektuaren berri eman zigun Arantza Alvarezek, Tknikako Urrats Bateko arduradunak.
Ondoren talde dinamika bat egin genuen, 10 taldetan banatuta, Lego fitxen bidez etorkizuneko enpresa nolakoa izatea nahiko genukeen irudikatu genuen.
Bukaeran Gabriel de Maeztu tolosar gaztearekin solasaldia izan genuen. Gabrielek bere esperientzia kontatu zigun. Orain lau urte Iomed enpresa sortu zuten Bartzelonan eta, bere esperientzian oinarrituz, momentu txarrak pasatu dituzten arren, denok animatu gintuen ekintzaile izateko eta buruan ditugun ideia horiei bidea emateko.
Ekintzailetasunaren sentsibilizazio saioa
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!