Tolosaldea LHII-ko ikasleak urte batzuk daramatzate Ikasenpresa lehiaketan parte hartzen. Iaz, Merkataritza Jarduerak Zikloko 2. mailako ikasleek “Gizartean Eragin Onena Ikasenpresa Saria” jaso zuten. Aurten ere Tolosaldeako ikasleak ekintzailetzan ikaragarri fin ibili dira eta Fabrikazio Mekanikoko Produkzioaren Programazioa Goi mailako Zikloko 2. mailako ikasleek, Neurrira Koop. enpresarekin, “Gizarte Ekintzailetzan Negozio Ideia Onena Saria” jaso dute.
Neurrira koop. enpresaren lana ezintasunak dituztenei (gaixotasun, gizentasun, adinak eraginda etab.) bizitza errazteko tresna pertsonalizatuak egitea izan da. Tresna hauek, eguneroko bizitza ahalik eta autonomoena eta kalitatezkoena izan dadin, beharren araberakoak izan dira.
Ikasleak, zazpi hilabetetan gai izan dira gizartearen beharrei erantzuten dien enpresa berritzailea sortu eta autonomoki lanean aritzeko. Zorionak!
Tolosaldea LHII-ko ikasleek "Gizarte Ekintzailetzan Negozio Ideia Onena Saria" jaso dute
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!