Beste urte batez, langileei zuzendutako hainbat ikastaro eskainiko ditu Tolosaldea Lanbide Heziketa Institutuak. Ikastaro hauek Hobetuz fundazioaren bidez subentzionatuak daude %100ean, eta beraz partehartzaileentzat doakoak dira. Langileek dute lehentasuna, nahiz eta tokia izanez gero langabetuek ere eman dezaketen izena.
Hainbat arlotako ikastaroak izango dira: instalatze eta mantentze lanak, elektrizitatea eta elektronika, merkataritza eta marketina, Informatika eta komunikazioak, eta fabrikazio mekanikoa. Ikastaro guztiak arratsaldez izango dira, 18:00tik 21:00ra.
Ikasturte honetako ikastaroen eskaintza osoa Institutuko www.tolosaldea.com webgunean kontsultatu daiteke: eta izen ematea ere bertatik egiten da. Informazio gehiago behar izanez gero, interesatuek 943651147 telefonora dei dezakete, edota mezu bat bidali ikastaroak@tolosaldea.com helbidera.