Maila ezberdinetako ikasleek eta irakasleek partekatzen dituzten espazio hauetan zeharkako konpetentziak lantzeko bideratzen diren erronkak lantzen dituzte, etorkizuneko gizarteak horrela eskatzen baitu.
Aurkezpen ekitaldi hau, ETHAZI gunearen inaugurazio saioa ere izan zen eta eskualdeko proiektu estrategikotzat baloratua izan den hau zabaltzea zen helburua. SARETZEN-en (eskualdeko proiektu estrategikoak sustatzeko eta garatzeko foroa) lehenengo deialdi honetan, proiekturik baloratuena izan da eskualdeko proiektu estrategikoen artean eta, aurkezpen ekitaldian, eskualdeko alkate, enpresa, ikastetxe eta bestelako ordezkariak ere izan ziren.
Aurkezpenean, Joxe Mari Elolak TOLOSALDEA LHII-ko zuzendaria denak, ikastetxeak hartutako norabidea azaldu zuen, Lanbide Heziketako IV planean oinarrituta dagoena. Honen ondoren, Ramon Martinez de Murgiak, Lanbide Heziketako Zuzendari Nagusiak Lanbide Heziketako IV planaren xehetasunak eman zituen. Jarraian Mielmari Imaz irakasleak hartu zuen hitza eta ETHAZI proiektuaren oinarriak azaldu zituen horretarako prestaturiko espazioaren xedetan oinarrituz. Hitzaldia amaitzeko, Olatz Peonek, Tolosako alkateak, Tolosaldea Garatzeneko Lehendakari gisan, proiektuak eskualdeko garapen jasangarrirako izango duen garrantzia azpimarratu zuen, hezkuntza sistemaren bidean oinarrituz.