Lehen bisita, Donostiako Ingurumen Sailak Ibai ikastolan gauzatu duen proiektu bat ikusteko izan zen. Egur-ezpala erretzen duen galdara bat instalatu dute ikastolan berokuntza eta ur bero sanitarioa eman ditzan.
Oraindik erregaia erosi behar izaten badute ere, proiektu honen bigarren fasean, Udalak bere erregaia produzitzeko asmoa du baso-lorategitako hondakinak bilduz, ezpal bihurtuz eta lehortuz.
Bisitatu genuen bigarren instalazioa Donostiako Sustapenak kudeatzen duen Talent House-a izan zen. Eraikin hau Donostialdera ikertzera datozten atzerritarren bizilekua izaten da eta bertako apartamentu bakoitza berokuntza eta ur bero zerbitzuez hornitua dago. Hornidura hori lortzeko, pelleta erretzen duen galdara eta eguzki panel termikoak erabiltzen dituzte.