Larunbatean igeriketako bigarren jardunaldia jokatu zen Lasarten eta bertan, taldeko gazteak denboraldiari neurria hartzen ari direla ikusi ahal izan genuen. Gehienak 3 froga eta erreleboetan parte hartzeko aukera izan zuten eta denetik ikusi ahal izan bagenuen ere aipagarria da 400 estiloetan zein txukun igeri egin zuten. Oraindik ere goiz xamar denez 50 metrotako frogak ez ziren oso azkarrak izan eta aldiz 100 eta 200 metroko frogetako denborak nahiko politak izan ziren.
Giro paregabea izan zen Lasarten, bukaerako erreleboetan ikusleen animo ohiuekin nabaritu zenez eta egindako lanarekin gustura itzuli ginen.
Dagoeneko hurrengo erronkei begira jarrita daude igerilariak, larunbat honetan bi saio izango baitira, goizean Santurtzin eta arratsaldean Ordizian.
Lan bikaina, zorionak guztioi!