Larunbat honetan, Ekainak 21 Usabal kiroldegiko igerilekuan 45. San Juan saria jokatuko da. Saria goiz osoan zehar izango da 10:00tan hasita.
Tolosaldea I.K.T ko igerilari nagusienek Gipuzkoako eta Arabako beste hainbat taldeetako igerilariekin batera jokatuko dute txapelketa hau. Igerilariak uda garaiko txanpan murgilduak daudenez maila handiko txapelketa izango da larunbat honetan ospatuko dena.
Txapelketaren amaieran berriz Tolosaldea I.K.T eskolako igerilariak urtean zehar ikasi dutena azalduko digute erakustaldi batean. Erakustaldian eskolako Txalburu, Dordoka, Igel, Amuarrain, Izurde eta Marrazoak parte hartuko dute.
Familiarteko, lagun eta orohar igeriketa gustuko duen edonork aukera bikaina du beraz larunbatean Usabalen kirol honekin gozatzeko. Guztiak gonbidatuak zaudete!