Aurreko urteetan bezala eskola kirolean igeri aritzen diren gaztetxoei zuzendutako txapelketa izango da eta bertan Gipuzkoako txoko desberdinetako 2002-2005 urte bitartean jaiotako neskatoak eta 2000-2005 urte bitartean jaiotako mutikoak parte hartuko dute.
Txapelketa inoiz baino arinago eta erakargarriagoa suertatzeko parte hartzaileek aukeratutako estiloan 50 metro egingo dituzte lehen egunean (apirilak 5, kanporaketa), eta saio honetako 8 azkarrenak berriz final handia jokatuko dute igande goizean (apirilak 6, finala).
Taldekako sailkapenari dagokionez, Paco Sanchez saria lortzeko norgehiagoka itzela izango da 10x50 libre erreleboan. Lehia, final guztiak jokatu ondoren izango da eta bertan talde bakoitzeko adin ezberdinetako neska mutilek nahastuta parte hartuko dute.
Igeriketa festa handi hau gogoz antolatzen ari gara igeriketa taldetik eta gonbidapena luzatu nahi genizueke guztioi igerilekura gertura zaitezten.
Honekin batera, eskerrak eman nahi genizkieke txapelketa hau antolatzen laguntzen ari zaizkigun gurasoei, Tolosako udalari eta batez ere speaker-ari eta merkatariei. Eskerrak beraz, Gorka Otaegi, Ogi-berri, Shanti kirolak, Kopi-tec, Aralar kirolak eta Yepa bainujantziak-ri. 