.jpg)
Bi etorkinen istorioa kontatzen du; hain zuzen ere, 1960ko hamarkada hondarrean Cordobako Rute herritik Euskal Herrira lantegi batera lan egitera iritsitako Guillermo eta Peperen istorioa.
Ilusioa, toki berriak, badaezpadako etorkizuna eta oroitzapenez beteriko maleta bat, iraganetik heldu dena etorkizun berri bat eraiki beharrez, atzean utzirik maitasuna, etxekoak eta sorterria, hots, ezezagunaren aurkako babesgarri guztiak. Protagonista biak bide horri lotzen zaizkio ezagutzen ez duten etorkizun bat eraiki nahian, eta etorkizun horretan aurkituko dituzte esperientzia berriak eta bide-bukaera bana. Ikusleak, aldiz, batere espero ez duen amaiera bat.
Neguko kulturzalen txertatutako lehen ekitaldia da, eta oraindik ale gutxi batzuk eskuragarri daude. Guztira Kulturzale txartelean 9 ikuskizunak daude sartuta. Banaka erosiko bagenitu 99 euroko kostua dute. Baina Kulturzale erosiz gero, 40 eurotan geratuko litzaiguke sorta osoa. Kultur etxeko harreran eskura daiteke astelehenetik ostiralera goizez (10:00-13:00) zein arratsaldez (16:00-19:00).
Norbaitek informazio gehiago beharko balu, Kultur etxera jo dezake, 943 670 383 telefonora deitu edo kultura@tolosa.eus -era idatzi.