Astelehenean, urriaren 17an, ekingo zaio Tolosako Udal Liburutegiak antolatutako Irakurketa klubaren jardunari, eta Katixa Agirre bertan izango da. Azken edizioan bezalaxe, eskaintza anitza da: eleberriak euskaraz, eleberriak gaztelaniaz, komikiak, etab.
Ekintza doakoa da eta ez da derrigorrezkoa izena ematea. Horrez gain, hiru saiotan idazlea ezagutzeko aukera izango da: Katixa Agirre, Jasone Osoro eta Karmele Jaio dira aipatutako egileak.
Saio guztietako liburuak liburutegiko erakusmahaian maileguan hartzeko aukera izango da. Lehenengo saioko liburua, hau da, Katixa Agirrerena, dagoeneko eskuragarri dago. Animatu parte hartzera!
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
