Tolosa Gimnastikako bi talde, Euskadiko txapeldun

Erabiltzailearen aurpegia

Larunbatean, Eibarko Ipurua kiroldegian Tolosa C.Fko gimnasta federatuek Euskadiko txapelketan parte hartu zuten. Infantil eta senior mailan jardun zuten, eta bi taldeek txapeldun izatea lortu zuten.

Emaitza garrantzitsuak dira, ezbairik gabe, lehen bi sailkatuek azaroan Murtzian jokatuko den taldekako kopan parte hartzeko txartela lortu baitzuten. Eta horrekin batera, Euskalgym-eko galan izateko aukera.

Infantiletan, Mara, Onintza, Ismene, Aitane, Carla eta Anek osatu zuten taldea. Sailkapena errazagoa izan zuten hauek. Senior taldearekin aritu zirenek, ordea, –Anne, Saroi, Joane, Irati Xiaoyan eta Iratxe– bost taldeen aurka lehiatu behar izan zuten.

Bestalde, taldekako beste bi kopa ere jokatu ziren, bata Guadalajaran eta bestea Zaragozan. Infantilak Zaragozan estreinatu ziren federatu mailan eta laugarren sailkatu ziren. Seniorrek hiru kopako txapelketetan hartuko dute parte, eta hori egingo duen talde bakarra izango da. Eta hori gutxi balitz, zilarrezko domina lepoan zutela itzuli ziren Zaragozatik.

Hortaz, datorren hilaren 11n Murtzian izango dira beren ariketak aurkeztuz eta beren lanaz gozatuz.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!