Txotxongiloen inguruko tailer berria, larunbatean

Erabiltzailearen aurpegia
Txotxongiloen inguruko tailer berria, larunbatean

Larunbat honetarako, martxoak 16, 'Txotxongiloak: objektu bizidunen unibertso emankorra' izeneko tailer bat antolatu dute, Topic-en.

Tailer honetan, pentsaraztera bideratutako marko teoriko eta dinamikei esker, testuinguru desberdinetan txotxongiloen jolasaren indarra aztertuko dugu, betiere osasunaren testuingurura begirada luzatuz.

Horretarako, txotxongiloei buruz, objektuei buruz, eta hauei bizitza emateko ditugun baliabideen inguruan mintzatuko gara. Estrategia ezberdinak ezagutuko ditugu eta jolasen bitartez, txotxongiloekin lan egiteko eremu ereingarrian murgilduko gara. Horrez gain, hauekin egindako esperientzia desberdinak ezagutuko ditugu.

Esperimentuzko tailerra izango da, bakoitzaren esperientzian oinarrituz txotxongiloak sortuz, eta diren eta ez diren identitate zoragarri hauek oparitu dezaketen oroz ikasiko dugu. Kurtso honek, ikasten jarraitu ahal izateko bide hunkigarriak irekitzea espero dugu.


Tailerra Topic-eko pedagogia arduraduna den Karmele Kruzek emango du, eta besteak beste, osasun-langileei, irakasleei, txotxongilo egileei edota artista plastikoei dago zuzenduta. Topic-en izango da, 9:30eatik 13:00eara eta 45 euroko balioa izango du.

Auzia ez da izan ala ez izan. Kontua ekitea da. Atarikide egitea, euskararen aldeko hautua egitea, zure herrian gauzak antolatzea, horren berri ematea, etxetik plazara salto egitea. TOLOSALDEKO ATARIA egiten duzun hori da. Egiten duzun neurrian gara.


EGIN ATARIKIDE!