Igandean, 16.30etan, partidu oso garrantzitsua jokatuko dute gure 2. mailako neskek Berazubin. Etxean irabazita, 3 puntuak maila berean jarraitzeko balioko dute. Horretarako, zaletuen berotasuna eta gertutasuna garrantzisuak izango dira, beraz, egoerak hala behartuta, harmailetatik ezin bada ere, kanpo aldetik eman diezaiegun behar eta merezi duten indarra. Aurtengo etxeko azken partidua izango da eta ederra litzateke, 90´iritsi, garaipena eskuratu eta merezi bezalako ospakizuna egin ahal izatea. Gogor borrokatu dute urte guztian zehar, ez dute etsi eta horren emaitza izango da mailari eustea. HANDIAK ZARETE NESKAK!!!!
BERAZUBI ESTADIO KANPOTIK BADA ERE, EMAN DIEZAIEGUN BULTZADA GURE NESKEI!!!!
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!