Larunbatean 1-2 irabazi zuten tolosarrek Añorgan, eta garaipen horri esker Gipuzkoako txapelketa irabazi dute. Zelaian bertan ekin zieten ospakizunei, eta ondoren herriko elkarte batean bazkaldu zuten. Topa ere egin zuten lortutakoagatik.
Jardunaldi borobila izan da Tolosa CFko nesken taldeentzat. Infantilek liga irabazteaz gain, gainerako lau taldeek irabazi dute jardunaldi honetan. Lehen taldeak 3-0 irabazi dio Oiartzuni. Lurraldeko Kopako taldeak, berriz, aise menperatu zuten Goierri Gorri B taldea, 8-1. Lehen mailako infantilek ere Añorga izan zuten aurkari, eta 3-2 irabazi zioten. Ohorezko kadeteek 1-3 irabazi zuten Goierri Gorriren aurka.
