Ekainak 14rako, larunbata, Tolosan, 3x3 Street Basketeko txapelketa bat antolatu du TAKE Saskibaloi klubak. Goizean, 09:00etatik 13:30era, alebinek (2002-2003) eta infantilek (2000-2001) lehiatuko dute, Gernikako Arbola Lorategietan. Lehen sailkatuarentzat Shanti Kirolak dendan gastatzeko 200 euroko opari txartela izango da sari moduan; txapeldunordearentzat, berriz, 100 euroko txartela.
Arratsaldean, berriz, koadrilen arteko txapelketa jokatuko da, 15:30ean hasi eta 21:00era bitarte, San Frantzisko pasealekuan. Lehen hiru sailkatuentzako sariak egongo dira: txapeldunek, lau lagunentzako afari bat irabaziko dute Fronton jatetxean, elikagai onekin osatutako saski batekin batera; bigarrenek, Orue erretegian afari bat irabaziko dute; eta hirugarren sailkatuek, Beti Alai, jatetxean. Horrez gain, sari berezia ere zozketatuko da, Photokafe-n afari bat, hain zuzen.
Parte-hartzaile guztiei ere kamiseta bat emango zaie opari gisa.
Kuadrilen kasuan, izen-emateak 20 euro balio ditu talde bakoitzeko, eta dagoeneko zabalik da izen-emate epea, takesb.com atarian.