Bideo baten bitartez aurkezpen ekitaldira gerturatzeko gonbita egin die TAKek eskualdeko herritar eta arraunzaleei. Hain zuzen, Oria ibaian arraunean hasi eta itsasoan ibili ahal izateko beste klub batzuetan ari diren edo aritu izan diren eskualdeko arraunlariek hartu dute parte bideoan.
"Guk bizitako amets hura, oraingo belaunaldiak ere bizi dezan. Gogoratze hutsarekin jartzen zaidan oilo ipurdia, zuen azaletan sentitu dezazuen. Hasitako bideak eten gehiago izan ez ditzan. Eta guk izan ez genuen aukera izan dezazuen. Gure aurkari izan zaitezte. Gure kide izan zaitezte. Emakumezkoen traineruaren alde. Aupa TAK!".
Aurkezpena hilaren 19an izango da, larunbatean, 12:00etan Trianguloan.