Gipuzkoako Batel Ligako azken jardunaldia jokatu zen larunbatean, Pasaia San Juanen. Infantil eta kadeteek estropadak jokatu ahal izan zituzten, baina, gero, estropada eremuko baldintzak okertu egin zirenez, ondorengo estropadak ez ziren jokatu. Jokatutakoak kontuan hartuta, Tolosako arraunlariek garaipen bat lortu zuten, infantil nesketan.
Jardunaldi guztietako emaitzak kontuan izanda ligako banderak ere banatu ziren larunbatean. TAKek hiru bandera irabazi ditu Gipuzkoako Batel Ligan; infantil neskek, infantil mutilek eta jubenil neskek lortu dituzte banderak!
Hiru garaipen horiez gain bigarren postu bat ere lortu zuten kadete mutilek eta hirugarren postua kadete neskek. Guztira bost talde igo ziren podiumera.
Datorren asteburuan Euskadiko Txapelketa jokatuko da Pasaian. TAKeko arraunlariek parte hartuko dute txapelketa horretan! AUPA TAK!
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!