%2011.35.09.png)
Pasaiako urtean izango da urteko lehen zita. Gipuzkoako Batel Ligari hasiera emango zaio larunbat honetan, arratsaldeko 16:00etan.
Hasten lehenak infantil eta kadete emakumeak izango dira. 1000 metroko ibilbidea egin beharko dute, arraun klubaren ingurutik –gutxi gorabehera– hasi, Santiago Plazaren parean ziaboga hartu eta irteera puntura itzuli. Hasiera eta amaiera berdina izango da guztientzat. Ondoren, emakume jubenilen txanda izango da. Horiek 2000 metroko ibilbidea egin beharko dute, bikoitza.
Emakumeen atzetik mutilak izango dira arraun egiten. Lehendabizi infantilek egingo dute arraun, 1000 metroko estropada eremuan. Ondoren, kadeteek. 1500 metroko ibilbidea egin beharko dute. Gero, jubenilek, 2000 metro egin beharko dituzte arraunean; eta, azkenik, seniorrek egingo dute arraun. Horiek ere, jubenilek bezala, 2000 metroko ibilbidea izango dute.
TAKek seniorretan izan ezik, gainontzeko kategoriatan hainbat batel aurkeztuko ditu, ondorengoak: neska haurretan bi, promesa nesketan lau, infantil mutiletan bi, kadeteetan hiru, jubenil nesketan bi eta jubenil absolutuetan beste bi. Hemen parte hartzaile guztien zerrenda: http://www.fgremo.com/data/docs/participantes/160116_pasai_donibane.pdf
Gogotsu gaude larunbateko estropadarako, ate joka daukagun denboraldiari ekiteko.