Haizeak mugitzen gaitu
berak nahi duen bezala:
orain hona, gero hara
korronteak garamatza;
aske k(j)okatu ezin duen
izaki multzoa gara.
Zuen kasuan, ordea,
badaukazue kordea!
erabaki dezakezue,
pentsatu, aukeratu,
ikasi-desikasi,
berkokatu eta berriz hasi.
Gauza gehiegi, akaso?
horregatik, agian,
gal zaitezkete zeharo?
zeinek daki, auskalo…
guk, behintzat, garbi daukagu:
lurra-argia-ura gara,
eta elkar zaintzen badakigu.