Irudi batzuk ez dira
gerturatzen oharkabean
haiek begiratzean
barruak mugitzen dira.
Izakia izateko
gogoa itzaltzen dute
gure alderik ankerrena
erakusten baitigute.
Beldurra, anabasa,
indarraren kiratsa
boterearen mikatza
ulertzea hain da latza!
Lehen lerroko zelaian
bihotzek aldegin dute
itzal handien interesek
maltzurki ohostu dituzte;
bitartean, han hemenka,
larria da askoren kenka
horrek sortzen digu kezka
patu tristeagorik ez da.
Asko saiatu arren,
motza da gure laguntza;
hotza, haien eguna. Hutsa.
Zer eta nola egin?
Besterik ez bada, ahaztura ekidin…