Pantailak, presak, egoa
hau nahasketa eroa
iparra gal dezakegu
iparra eta… hegoa.
«Hementxe, orain, nirea»
izan daiteke bide bat;
beste bat bada, ordea,
askoz nobleagoa, hobea;
orain ereiten denak
markatzen baitu bidea.
Baztertu zurrunbiloa,
aldatu estiloa
era naturalean eraiki
elkarren artekoa
kolorez josiz geroa.
Ereduak daude inguruan,
ederra litzateke
hori balitz gehienon
urte berrirako hautua.
Hori ameste hutsak
borobil lezake abendua.
Ez dago dena galdua.
Altxa burua!