Lurrean orbela
hankazpiko pastela
ibilera gozatzen digu
hark mihia bezela
azukrerik gabeko
gosari osasuntsua
zapaltzera garamatzan
geruza musikala.
Gora begiratuta,
hamaika hosto dantzan
haizea firin-faran
hegoa masailetan.
Hauxe kolore entsalada,
berpizten digu begirada
entzun dezagun lasai
hosto lehorren balada.
Arnastu datorrena,
presta dezagun barrena...
hemen da udazkena!