beharrezkoa zaitugu
biziraute sena zugan
biderkatzen baitzaigu.
Orduan babesten gaituzu,
alarma bistaratuz,
zentzumen denak indartuz,
erantzuteko prestatuz.
Beste askotan, ordea,
ohosten diguzu kordea
harri koxkor bat baiginan
hartzen gaitu mugiezinak
gugandik doa airea…
harekin, adorea.
Izakiaren emozio berezia… ahulezia?
Okerrena zera da:
hainbat kasutan zarela
propio, nahita eraginda.
Boterearen ezten petrala.
Norbaiten asmo makala.
Ziztada bat bezala.
Gizaki batzuen ahulezia… abilezia?
Abilezi iluna, maltzurra,
zekena eta koldarra.
Haien gabezien hondarra.
Olerkia: Silvia Mateo.
Akuarela: Carmen Mateo.