Giltza egokia sartuta
edo txirrina sakatuta,
kontua sartzea da
hori da nahi duguna
gure desio kuttuna
baina baimenaren ezak
atzeratu dezake eguna.
Batzuetan, zure parean
kokatzen gara temati
aukera guztiei adi
halakoren batean…
zirrikitu bat bada…
nahiz eta txikia izan…
zeharka jarrita, agian!
sartuko garelakoan.
Besterik ez gure gogoan.
Baina ez zara beti irekitzen.
Edo, irekitzen zara,
bestaldera pasatzen gara,
eta, konturatzerako,
gure poza akabo.
Hobeto geunden lehenago.
Horrelakoetan, guk geuk krisketa askatuta
eta hasierara bueltatuta,
kolpe batez ixten zaitugu.
Gure atzean.
Atzean zaitugunean,
itxita nahiago;
izan ere, inguruan nonahi
ate gehiago dauzkagu zain!
Proba dezagun 23koa orain…
Olerkia: Silvia Mateo.
Akuarela: Carmen Mateo.