2022ko urr. 16a, 07:58
Badago zerbait zuregan
bereizten zaituena:
arreta pizten duena
beste guztien artean.
Tamaina, kolorea,
keinu bat, begirada,
doinua, abiada,
ahotsa, ibilera,
janzteko modua edo
zerbaitekiko jarrera.
Zein erraz nabarmentzen zaren
multzo gris uniforme baten;
nahita edo nahigabe,
aniztasunaren zutabe
gristasunean aldagai paregabe.
Ingurukoen inertzia
kolokan jartzen duzu
bi aldiz hausnartzera
gonbidapen bat zara;
berdin du zein den sasoia,
edo horrela izatearen arrazoia:
aldatzen duzu haien gidoia.
Eta beti
beti
beti
konturatu gabe, emeki…
aberasten dira zurekin.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!