Bestalde, Orixeko talde feministak ondorengo idatzia irakurri du: Beste behin ere indarkeria garaile izan da gauaren babesean. Parranda eta giro oneko gaua zena bortxaketa bihurtu zen. Beste bat gehiago gehitu da borondatearen aurka sexualki manipulatuak izan diren neska gazteen zerrenda luzera. Ezetza kontuan izan gabe, indarkeria erabiltzen dute nahi dutena lortzeko; beste behin, emakumea objektu sexual bihurtu dute.
Ez dugu inola ere halakorik gertatzea onartuko, eraso eta indarkeria bortitz guztiak ekidingo ditugu. Kolektiboki jardungo dygy eta erasotuari babesa erakutsiko diogu. Ez dugu nahi bortxatuaren identitatea zabaltzerik. Denon betebeharra da erasoak salatu eta erasotuari laguntzea.
Indarkeria matxistarik ez! Erasoei erantzun!
GORA BORROKA FEMINISTA!