“Hezkidetza eta heziketa sexuala familian lantzeko gakoak" da hitzaldiaren izenburua, eta Harremanak taldeko kide batek emango du, azaroaren 12an, ostegunean, arratsaldeko 18:00etan Orixe institutuan, Gorosabeleko liburutegian.
Hauek izango dira hitzaldi horretan jorratuko diren gaiak:
- Harremanak taldeko hezitzaileen eskutik zuen seme-alabek izan zituzten zenbait saiotan landutakoari buruz gurasoak informatzea.
- Ikasleek egindako galderak
- Sexu heziketa eta genero berdintasuna familian nola landu.
- Komunikazioa: belaunaldien arteko komunikazioan dauden zailtasunak aztertu.
- Nerabezaroa: nerabeen harreman afektibo-sexualak
- Aniztasuna: sexu aukera ezberdinak, maskulinitate berriak…
- Komunikabideak: interneta, sakelakoak (erabilera, mugak…)
- Hezkidetza: nola bultzatu neska eta mutilen arteko tratu on eta osasuntsuak.
Hitzaldia bi hizkuntzetan izango da, euskaraz nahiz gazteleraz.