Oargi Mendi Elkarteak irteera antolatu du Bujaruelo bailarara. Iraileko lehen asteburuan izango da egitasmoa: ostiral arratsaldean (irailak 4) Tolosatik aterako dira eta bi gau egingo dituzte Bujarueloko aterpean. Larunbatean eta igandean bailarako hainbat arroila egingo dituzte, besteak beste, Lapazosa eta Sorrosal. Arroilen egoeraren arabera aukeratuko dute zein den egiteko egokiena.
Izena emateko azken eguna abuztuaren 31a (astelehena) izango da; materiala alokatzeko aukera egongo da elkartean.
Informazio gehiago lortzeko idatzi oargimendi@gmail.com helbidera edo deitu 688698642 telefonora.