Hauxe da plana:
Larunbatean, azaroaren 7an, Tolosatik atera eta Almandoz herrira joango gara, eta kotxeak utzi ondoren bertatik hasiko gara oinez. GR-65 bidea hartuko dugu San Blasko benta aldera, eta hau pasa ondoren Ermitako lepora iritsiko gara. Handik Gartzaga eta Okolin tontorrak pasa eta gero iritsiko gara Saioara.
Ibilbide zirkularra izango da. Izan ere, Saioatik Ekaitza tontor aldera jaitsiko gara, Abartan mendi aldera joan ahal izateko. Handik Berroeta herrira jaitsi eta berriro Almandoz herrira joango gara. Han kotxeak hartu eta Elizondon dagoen Kortarixar aterpera joango gara gaua pasatzera. Orotara, ibilbideak 6-8 orduko iraupena izango du.
Igandean, berriz, zaldian ibiltzera joango gara Ordoki Zalditegira pare bat orduz.
Izena emateko azken eguna azaroaren 2a izango da. Interesatuek bi bide dituzte: 688698642 telefonoan edo info@oargi.org helbidean.
Izena ematerakoan 20€ aurreratu beharko dira ondorengo kontuan:
Euskadiko Kutxa / Caja Laboral 3035 0028 11 0281141038