Uztailak 31, ostirala: Goizean goiz Tolosatik irten eta Europako Mendietan dagoen Fuente De-ra bidaiatuko dugu. Bertan teleferikoa hartu eta ondoren El Cable (1.834m) izeneko gunetik Altaizeko meategietaraino joango gara oinez. Hemendik, Torre de Altaiz (2.335m) mendira igoko gara eta gero Pico de San Carlos-era (2.390m). Ondoren meategietan vivac-a montatuko dugu. 4 ordu inguruko ibilaldia izango da.
Abuztuak 1, larunbata: Fuente Escondida (2.050m) izeneko lepotik igaroaz Madejuno (2.517m) mendiaren magalera zuzenduko gara, eta III graduko zailtasuna duen diedro bat gainditu ostean, gailurrean izango gara. Bertatik Tiro Llago (2.567m) tontorrera joango gara ertza eginez. Guztira, 800 metrokoa da ertzaren luzera eta bere zailtasuna III+/Iv- gradukoa. Nahi duenak aukera izango du Madejuno igo Gabe, honen magaletik Cabaña Veronicara joan eta bertatik Torre de los Horcados Rojos (2.562m) gailurra igo. Berriro ere denak vivac-ean elkartu bertan gaua pasatzeko. 8 – 9 ordu inguruko ibilaldia izango da.
Abuztuak 2, igandea: La Vueltonatik (1.960m) zehar Horcados Rojos lepora (2.344m) ailegatuko gara, eta hemendik Tesorero (2.570m) mendira igoko gara. Itzuleran, berriro ere Altaizeko meategietatik igaro eta teleferikora joango gara Fuente De-ra jaisteko. Autoak hartu eta Tolosara itzuliko gara. 7 orduko buelta izango da.
Eraman beharreko materiala: eskaladako materiala, kanpin denda, lo zakua, esterila, hornilloa, 2 gosari eta 2 afari egiteko jana, frontala.
Oharra: Ibili behar dugun inguruan ur gutxi dago, beraz ura nondik hartu bilatu beharko da.
Izena emateko 688698642 telefonoan edo info@oargi.org, azken eguna uztailak 27 astelehena.
Izena ematerakoan 20€ aurreratu beharko dira ondorengo kontuan:
Euskadiko Kutxa / Caja Laboral 3035 0028 11 0281141038